అతి ప్రేమ కూడా చేటే, ముఖ్యంగా భార్య భర్తల మధ్య అతి ప్రేమ ఉన్నా అతి ఎక్కువ కేరింగ్ ఉన్నా, అది కాస్త వారి సంసారానికి అగ్గిపెడుతుంది, ఏకంగా విడాకుల వరకూ కూడా తీసుకువెళుతుంది. అదే జరిగింది నేడు ఓ కుటుంబంలో.
ఎక్కడైనా తనన భర్త సరిగ్గా చూడటం లేదు అని కేసు పెడతారు భార్యలు, లేదా అసలు నన్ను వదిలేశాడు అని కోర్టుకి వెళతారు, కాని ఇక్కడ ఏకంగా ఓ యూపీ మహిళ తన భర్త తనపై నిత్యం
ప్రేమ మరీ ఎక్కువ చూపిస్తున్నాడు అని అది తట్టుకోలేకపోతున్నాను అని అంటోంది.
ఏకంగా తన భర్త నుంచి విడాకులు అడుగుతోంది.. ఈ మహిళకు 18 నెలల క్రితం వివాహమైంది. ఆ భర్త ఆమెను అపురూపంగా చూసుకుంటున్నాడు. ఆమెను సంతోషపెట్టేందుకు నిత్యం ప్రయత్నిస్తుంటాడు.
ఇలా చేయడం ఆమెకి నచ్చడం లేదు, ఈ అతి ప్రేమ ఆమె తట్టుకోలేకపోతోంది.ఆమె ఏకంగా విడాకులు కావాలని స్థానిక షరియా కోర్టును ఆశ్రయించింది. ఇంట్లో వంట నుంచి తుడవడం వరకూ అన్నీ భర్తే చేస్తున్నాడట, ఏమైనా తప్పు చేసినా పల్లెత్తి మాట అనడం లేదట ఈ భర్త..అందుకే నేను అతనితో ఇమడలేకపోతున్నా అంటూ ఆ మహిళ ఫిర్యాదులో రాసింది..మీ భార్యభర్తలే చర్చించి సమస్య పరిష్కరించుకోవాలని సూచించింది కోర్టు
