దేశ సర్వోన్నత న్యాయస్థానం సుప్రీంకోర్టులో జూనియర్ కోర్టు అసిస్టెంట్ (గ్రూప్ బీ నాన్ గెజిటెడ్) పోస్టుల భర్తీకి నోటిఫికేషన్ జారీ చేసింది సుప్రీం కోర్టు. అర్హులైన అభ్యర్థుల నుంచి దరఖాస్తులు ఆహ్వానిస్తోంది. మొత్తం 210 పోస్టులు ఉన్నాయి.
అర్హత: గుర్తింపు పొందిన విశ్వవిద్యాలయం నుంచి ఏదైన డిగ్రీ ఉత్తీర్ణత సాధించి ఉండాలి.
కంప్యూటర్ ఆపరేషన్పై అవగాహన ఉండాలి.
కంప్యూటర్పై నిమిషానికి 35 పదాలు(ఆంగ్లం) టైపింగ్ చేయగలగాలి.
అభ్యర్థులు 2022 జులై 1 నాటికి 18 ఏళ్లు పైబడి 30 ఏళ్ల వయసులోపు ఉండాలి. ఎస్సీ, ఎస్టీ, ఓబీసీ, దివ్యాంగులు, ఎక్స్సర్వీస్మెన్, స్వాతంత్య్ర సమరయోధులపై ఆదారపడే వారికి ప్రభుత్వ నిబంధనల ప్రకారం వయో పరిమితిలో సడలింపు ఉంటుంది.
పరీక్ష విధానం ఇలా..
100 ప్రశ్నలతో ఆబ్జెక్టివ్ తరహా రాత పరీక్ష ఉంటుంది. అందులో 50 జనరల్ ఇంగ్లీష్ ప్రశ్నలు, 25 జనరల్ ఆప్టిట్యూడ్, 25 జనరల్ నాలెడ్జ్ ప్రశ్నలు అడుగుతారు. ఆ తర్వాత 25 ప్రశ్నలతో కంప్యూటర్ పరిజ్ఞానంపై ఆబ్జెక్టివ్ పరీక్ష ఉంటుంది. దీనికి మొత్తం 2 గంటల సమయం ఉంటుంది. ఇందులో తప్పు సమాధానానికి 1/4 మార్కులు కోత విధిస్తారు.
జనరల్, ఓబీసీ అభ్యర్థులు దరాఖస్తు రుసుము కింద రూ.500, ఎస్సీ, ఎస్టీ, ఎక్స్సర్వీస్మెన్, దివ్యాంగులు రూ.250 కట్టాల్సి ఉంటుంది.
ముఖ్యమైన తేదీలు: ఆన్లైన్ దరఖాస్తులు 2022, జూన్ 18 నుంచి మొదలయ్యాయి.
దరఖాస్తు చివరి తేదీ 2022, జులై 10, అర్ధరాత్రి 23.59గా నిర్ణయించారు.
ఎంపికైన వారికీ బేసిక్ పే కింద నెలకు రూ.35,400గా ఉండగా.. ఇతర అన్ని అలవెన్సులు కలిపి మొత్తంగా రూ.63,068 వరకు వస్తుంది.
