భారత సైన్యంలో చేరాలనుకునే యువకుల కోసం ఇండియన్‌ ఆర్మీ గుడ్ న్యూస్ చెప్పింది. భారత సైన్యంలో పర్మనెంట్ కమీషన్‌కు సంబంధించి 10+2 టెక్నికల్ ఎంట్రీ స్కీమ్‌-48 కోర్సులో ప్రవేశాలకు నోటిఫికేషన్‌ జారీ చేశారు. 2023 జనవరి నుంచి ఈ కోర్సు ప్రారంభం కానుంది. దీనికి సంబంధించి పూర్తి వివరాలు ఇలా ఉన్నాయి.
నోటిఫికేషన్‌లో భాగంగా మొత్తం 90 ఖాళీలను భర్తీ చేయనున్నారు.
ఈ పోస్టులకు దరఖాస్తు చేసుకునే అభ్యర్థులు కనీసం 60% మార్కులతో 10+2(ఫిజిక్స్, కెమిస్ట్రీ, మ్యాథమెటిక్స్‌) ఉత్తీర్ణతతో పాటు తప్పనిసరిగా జేఈఈ (మెయిన్స్)-2022లో హాజరై ఉండాలి.
విద్యార్థుల వయసు పదాహారున్నర ఏళ్ల కంటే తక్కు 19½ ఏళ్ల కంటే ఎక్కువ ఉండకూడదు.
ఈ పోస్టులకు అవివాహిత పురుష అభ్యర్థులు మాత్రమే అర్హులు.
ఆసక్తి, అర్హత ఉన్న విద్యార్థులు ఆన్‌లైన్‌ విధానంలో దరఖాస్తు చేసుకోవాల్సి ఉంటుంది.
అభ్యర్థులను తొలుత స్టేజ్‌-1, స్టేజ్‌-2, ఇంటర్వ్యూ ఆధారంగా షార్ట్‌లిస్ట్ చేస్తారు. అనంతరం మెడికల్‌ ఎగ్జామినేషన్‌ ఆధారంగా తుది ఎంపిక ఉంటుంది.
ఆన్‌లైన్‌ దరఖాస్తుల స్వీకరణకు 21-09-2022ని చివరి తేదీగా నిర్ణయించారు.
