ద్రవిడ్ మెసేజ్‌తో భావోద్వేగానికి గురైన గంభీర్

టీమిండియా హెడ్ కోచ్ గంభీర్(Gautam Gambhir) శిక్షణతో తొలి సిరీస్ ఆడటానికి టీమిండియా సన్నద్ధమవుతోంది. ఈ సమయంలో టీమిండియా మాజీ హెడ్ కోచ్ రాహుల్ ద్రవిడ్(Rahul Dravid) నుంచి గంభీర్‌కు ఓ వాయిస్ మెసేజ్ వచ్చింది. అది విన్న వెంటనే గంభీర్ ఎంతో భావోద్వేగానికి లోనయ్యాడు. ఈ వీడియోను బీసీసీఐ సోషల్ మీడియాలో షేర్ చేసింది. ప్రస్తుతం ఈ వీడియో వైరల్ అవుతోంది. ఇంతకీ ఆ మెసేజ్‌లో ద్రవిడ్ ఏమన్నాడంటే..

‘‘హలో గౌతమ్(Gautam Gambhir).. టీమిండియా కోచ్‌గా ప్రపంచంలోనే అత్యంత ఉత్సాహవంతమైన ఉద్యోగంలోకి నిన్ను స్వాగతిస్తున్నా. టీమిండియాతో నా సమయం ముగిసి మూడు వారాలవుతుంది. బార్బడోస్‌లో నేను కన్న కలలను మించి ఎంతో గొప్పగా పదవీకాలాన్ని ముగించా. ఆ తర్వాత ముంబైలో గడిపి సాయంత్రాన్ని ఎన్నటికీ మరువలేను.అన్నింటికంటే ఎక్కువగా జట్టుతో నా స్నేహాలను, జ్ఞాపకాలను ఎప్పటికీ పదిలంగా ఉంచుకుంటా. ఇప్పుడు కొత్త కోచ్‌గా నువ్వు బాధ్యతలు చేపట్టావు. నువ్వు కూడా ఇలాంటి అద్భుత సమయాన్ని ఆస్వాదించాలని కోరుకుంటున్నా’’ అని ద్రవిడ్ ఆకాంక్షించాడు.

Read Also: ‘యానిమల్’ విమర్శలపై స్పందించిన రణ్‌బీర్