వెస్టిండీస్ పర్యటనలో ఉన్న టీమిండియా మరోసారి నిరాశపరిచింది. గురువారం రాత్రి బ్రియాన్ లారా స్టేడియం వేదికగా జరిగిన టీ20 మ్యాచ్‌లో ఘోర పరాభవం పాలైంది. హార్దిక్ పాండ్యా(Hardik Pandya) కెప్టెన్సీ కెరీర్‌లో టీమ్ ఇండియాకు ఇది మూడో ఓటమి కావడం గమనార్హం. ఈ విజయంతో 5 మ్యాచ్‌ల సిరీస్‌లో వెస్టిండీస్ జట్టు 1-0 ఆధిక్యంలో నిలిచింది.
వెస్టిండీస్ నిర్ధేశించిన 150 పరుగుల లక్ష్యాన్ని టీమిండియా ఛేదించలేక 4 పరుగుల తేడాతో ఓడిపోయింది. యువ బ్యాట్స్‌మెన్ తిలక్ వర్మ అరంగేట్రం చేసి టీమిండియా తరపున అత్యధిక పరుగులు చేశాడు. వెస్టిండీస్ అత్యుత్తమ బౌలింగ్ ముందు మిగిలిన బ్యాట్స్‌మెన్స్ చిత్తయ్యారు. ముందుగా టాస్ గెలిచి బ్యాటింగ్ చేసిన వెస్టిండీస్ 20 ఓవర్లలో 6 వికెట్లకు 149 పరుగులు చేసింది. 150 పరుగుల లక్ష్యంతో బరిలోకి దిగిన టీమిండియా 20 ఓవర్లలో 8 వికెట్లకు 145 పరుగులు మాత్రమే చేయగలిగింది.
