MLA Bhaskar Rao | BRS ఎమ్మెల్యే పై హై కమాండ్ సీరియస్ అయింది. పదే పదే వివాదాస్పద వ్యాఖ్యలు చేస్తూ వార్తల్లో నిలుస్తున్న మిర్యాలగూడ ఎమ్మెల్యేకు వార్నింగ్ ఇచ్చింది. రెండు కులాలపై వివాదాస్పద వ్యాఖ్యలు చేసి వారి ఆగ్రహానికి గురయ్యారు ఎమ్మెల్యే భాస్కరరావు. ఆయన తీరుపై అధిష్టానం కన్నెర్రజేయడంతో దెబ్బకు దిగి వచ్చి క్షమాపణలు చెప్పారు సదరు ఎమ్మెల్యే.
రెండు రోజుల క్రితం దళితబంధు యూనిట్ల పంపిణీ కార్యక్రమంలో ఎమ్మెల్యే నోరుజారారు. చాకలి, మంగలి పనులు నేనే చేయాలా అంటూ మహిళా ఎంపీపీ సరళా రెడ్డిపై ఆగ్రహం వ్యక్తం చేశారు. ఆయన వ్యాఖ్యలు వైరల్ కావడంతో.. రెండు కులాల మనోభావాలు దెబ్బతీశారంటూ భాస్కర్ రావు(MLA Bhaskar Rao) పై కుల సంఘాలు మండిపడ్డాయి. కుల సంఘాలు ఆందోళన చేపట్టడంతో విషయం హైకమాండ్ దృష్టికి వెళ్ళింది. అధిష్టానం వార్నింగ్ తో దిగొచ్చిన భాస్కర్ రావు.. రెండు వర్గాల వారికి బహిరంగ క్షమాపణలు చెప్పారు.
Read Also:
