ఢిల్లీ లిక్కర్ కేసు(Delhi Liquor Scam)లో కీలక పరిణామం చోటు చేసుకుంది. బీఆర్ఎస్ ఎమ్మెల్సీ కవితను నిందితురాలిగా సీబీఐ పరిగణించింది. ఈ మేరకు ఈనెల 26న విచారణకు రావాలంటూ ఆమెకు నోటీసులు జారీ చేసింది. ఇప్పటికే ఈ కేసులో కవితను ఈడీ అధికారులు మూడుసార్లు ప్రశ్నించిన సంగతి తెలిసిందే. అలాగే 2022లో సీబీఐ కూడా ఆమెను ప్రశ్నించింది. తాజాగా కవితను ఈ కేసులో నిందితురాలిగా చేరుస్తూ సీఆర్పీసీ 41ఏ కింద నోటీసులు జారీ చేయడం తీవ్ర చర్చనీయాంశంగా మారింది.
Delhi Liquor Scam | మరోవైపు ఢిల్లీ సీఎం కేజ్రీవాల్‌కు కూడా 41ఏ నోటీసులు ఇచ్చేందుకు సిద్ధమైనట్లు తెలుస్తోంది. ఈ క్రమంలో ఆప్ నేతలు, మంత్రులు తమ నేతను సీబీఐ అధికారులు మరో రెండు, మూడు రోజుల్లో అరెస్ట్ చేయబోతున్నారంటూ సంచలన వ్యాఖ్యలు చేశారు. ఈ నేపథ్యంలో కేజ్రీవాల్‌(Arvind Kejriwal)తో పాటు కవితను కూడా అరెస్ట్ చేసే అవకాశముందనే చర్చ జోరుగా జరుగుతోంది. మరి కవిత(Kavitha) విచారణకు హాజరవుతారా..? లేదంటే సుప్రీంకోర్టును ఆశ్రయిస్తారా..? అనేది తేలాల్సి ఉంది.
