Central Home Ministry meeting on 23rd over ap and ts partition issues: తెలుగు రాష్ట్రాల విభజన సమస్యలపై ఈ నెల 23న కేంద్ర హోంశాఖ మరోసారి సమావేశం నిర్వహించనుంది. హోంశాఖ కార్యదర్శి అజయ్‌ భల్లా నేతృత్వంలో భేటీ జరుగనుందని సమాచారం. ఈ నేపథ్యంలో తెలంగాణ, ఆంధ్రప్రదేశ్ రాష్ట్రాలకు కేంద్ర హోంశాఖ సమాచారం పంపింది. అయితే విభజన చట్టం ప్రకారం సింగరేణిని పంచాలని ఏపీ ప్రభుత్వం కోరగా అందుకు తెలంగాణ అభ్యంతరం తెలిపింది. ఈ క్రమంలో షెడ్యూల్ 9లో ఉన్న 91 సంస్థల విభజన విషయంలో షీలా బిడే కమిటీ సిఫార్సులపై న్యాయ సలహా తీసుకుంటామని కేంద్రం తెలిపింది. అయతే.. సెప్టెంబర్ 27న జరిగిన భేటీలో ఏడు ఉమ్మడి అంశాలపై కేంద్రం చర్చించింది. కానీ.. ఈ సమవేశంలోఎలాంటి నిర్ణయాలు లేకుండానే ముగిసింది. గత సమావేశంలో ఎలాంటి నిర్ణయాలు జరగకపోవడంతో ఈ నెల 23న ఎలాంటి నిర్ణయాలు తీసుకోనున్నారనేది ఆసక్తిగా మారింది.
