తెలంగాణ అసెంబ్లీ ఎన్నికలపై టీడీపీ దృష్టి సారించింది. అభ్యర్థుల నుంచి దరఖాస్తులను స్వీకరించేందుకు ఓ కమిటీని నియమించిన టీడీపీ అధినేత చంద్రబాబు నాయుడు(Chandrababu).. తాజాగా తెలంగాణలో పోటీ చేసే స్థానాల సంఖ్యపై స్పష్టత ఇచ్చారు. ఈ మేరకు చంద్రబాబు మంగళవారం మీడియాతో మాట్లాడుతూ.. తెలంగాణలోని 119 నియోజకవర్గాల్లో పోటీ చేస్తామని ప్రకటించారు. అన్ని నియోజకవర్గాల్లో ఒంటరిగానే బరిలోకి దిగుతామని స్పష్టం చేశారు.
బీజేపీ(BJP)తో పొత్తుకు తెలంగాణలో సమయం మించిపోయిందని తెలిపారు. ప్రస్తుతం తాను ఏపీ పునర్నిర్మానంపై దృష్టి సారించినట్లు తెలిపారు. బీజేపీతో అంతర్గతంగా ఏం చర్చిస్తున్నామనేది ఎవరికీ తెలియదన్నారు. తాను చూడని రాజకీయం లేదని.. దేశ నిర్మాణంలో భాగం కవాలన్నది తన ఉద్దేశ్యమని తెలిపారు. అది ఎలా అనేది కాలం నిర్ణయిస్తుందన్నారు. ప్రత్యేక హోదా కోసమే ఎన్డీయే నుంచి బయటకు వచ్చినట్లు ఆయన(Chandrababu) చెప్పుకొచ్చారు.
Read Also: సీటు వదిలేయడానికి సిద్ధం.. ఎంపీ కోమటిరెడ్డి కీలక వ్యాఖ్యలు
Follow us on: Threads, Google News, Koo, Twitter, ShareChat
