Hyderabad | హైదరాబాద్ నగర శివారులో ఘోర రోడ్డు ప్రమాదం చోటుచేసుకుంది. ఆదివారం తెల్లవారుజామున రంగారెడ్డి జిల్లా రాజేంద్రనగర్ పీవీ నర్సింహరావు ఫ్లైఓవర్‌పై రోడ్డు ప్రమాదం జరిగింది. కారు టైర్ పేలిపోవడంతో ఎదురుగా వస్తున్న మరో కారును ఢీ కొట్టింది. ప్రమాదంలో నలుగురు ప్రయాణికులకు తీవ్రగాయాలు అయ్యాయి. ప్రమాదంతో ఫ్లైఓవర్‌పై ట్రాఫిక్‌కు తీవ్ర అంతరాయం ఏర్పడింది. ట్రాఫిక్‌ను క్లీయర్ చేసేందుకు పోలీసులు ప్రయత్నిస్తున్నారు. అనంతరం కేసు నమోదు చేసుకొని దర్యాప్తు ప్రారంభించారు.
