Governor Tamilisai | ఎడతెరిపి లేకుండా గతవారం కురిసిన భారీ వర్షాలు రాష్ట్ర ప్రజలకు అనేక సమస్యలు సృష్టించాయి. ముఖ్యంగా అనేక ప్రాంతాల్లో పంటనష్టం జరగ్గా.. పలు గ్రామాలకు గ్రామాలే వరద నీటితో కొట్టుకుపోయాయి. పదుల సంఖ్యలో మనుషులు మరణించారు. కొందరు సర్వం కోల్పోయి రోడ్డున పడ్డారు. దీంతో వరదల వల్ల నష్టపోయిన ప్రజలను, రైతులను ప్రభుత్వం ఆదుకోవాలని విపక్షాలతో పాటు రాష్ట్ర ప్రజలందరూ డిమాండ్ చేస్తున్నారు.
- Advertisement -
తాజాగా.. ఈ వరదలపై గవర్నర్ తమిళిసై సౌందర రాజన్(Governor Tamilisai) రివ్యూ నిర్వహించారు. భారీ వర్షాలతో నష్టపోయిన ప్రజలను ఆదుకోవాలని అధికారులను కోరారు. వర్షాల సమయంలో ప్రభుత్వం ప్రజలకు మరింత రక్షణ కల్పించాల్సిందని అభిప్రాయపడ్డారు. వర్షాలు, వరదలపై నివేదిక ఇవ్వాలని ప్రభుత్వాన్ని కోరారు. నివేదిక వచ్చాక కేంద్రానికి పంపుతామని వెల్లడించారు.
