త్రిపుర మాజీ ఉప ముఖ్యమంత్రి జిష్ణు దేవ్ వర్మ(Jishnu Dev Varma) తెలంగాణ గవర్నర్‌గా బుధవారం ప్రమాణ స్వీకారం చేశారు. తెలంగాణ హైకోర్టు ప్రధాన న్యాయమూర్తి అలోక్ ఆరాధే కొత్త గవర్నర్‌తో ప్రమాణం చేయించారు. రాజ్‌భవన్‌లో జరిగిన ప్రమాణ స్వీకారోత్సవంలో ముఖ్యమంత్రి రేవంత్‌రెడ్డి(Revanth Reddy), ఆయన మంత్రివర్గ సహచరులు పాల్గొన్నారు. కేంద్ర బొగ్గు శాఖ మంత్రి కిషన్‌రెడ్డి కూడా హాజరయ్యారు.
- Advertisement -
‘తెలంగాణ కొత్త గవర్నర్‌గా నేను ఈరోజు మీ ముందు నిలబడ్డాను. ఈ మహత్తరమైన బాధ్యతను నాకు అప్పగించినందుకు భారత రాష్ట్రపతి, భారత ప్రధానికి నా హృదయపూర్వక కృతజ్ఞతలు తెలియజేస్తున్నాను” అని జిష్ణు దేవ్ వర్మ(Jishnu Dev Varma) రాష్ట్ర ప్రజలకు చేసిన ఒక సందేశంలో పేర్కొన్నారు.
