Hyderabad | హైదరాబాద్‌లోని గచ్చిబౌలి బయో డైవర్సిటీ ఫ్లైఓవర్‌పై మరో ఘోర రోడ్డు ప్రమాదం జరిగింది. ఫ్లైఓవర్‌ పైనుంచి కిందపడి ఓ వ్యక్తి దుర్మరణం చెందాడు. ఈ ఘటన సోమవారం తెల్లవారుజామున చోటుచేసుకుంది. రాయదుర్గం నుంచి మాదాపూర్‌ వెళ్తున్న యువకులు మితిమీరిన వేగంతో డివైడర్‌ను ఢీకొని మరో ఫ్లైఓవర్‌పై పడ్డారు. ఈ ఘటనలో ఒకరు అక్కడికక్కడే దుర్మరణం చెందగా.. మరొకరికి తీవ్ర గాయాలు అయ్యాయి. గాయపడిన వ్యక్తిని ఆస్పత్రికి తరలించారు. మృతుడు గచ్చిబౌలిలో నివాసం ఉంటున్న మధు (25)గా గుర్తించారు. అతి వేగమే ప్రమాదానికి కారణమని పోలీసులు తెలిపారు. సీసీ ఫుటేజీ పరిశీలిస్తున్న పోలీసులు.. కేసు నమోదు చేసి దర్యాప్తు చేపట్టారు.
Read Also: మైనార్టీలకు తెలంగాణ ప్రభుత్వం శుభవార్త
Follow us on: Threads, Google News, Koo, Twitter, ShareChat
