బోనాల పండుగకు తెలంగాణలో ఉన్న క్రేజ్ అంతా ఇంతా కాదు. ముఖ్యంగా తెలంగాణ స్వరాష్ట్రంగా ఏర్పడిన తర్వాత ఈ పండక్కి ప్రాధాన్యత పెరిగింది. ప్రతీ సంవత్సరం ఎంతో ఘనంగా ఈ పండుగను జరుపుకుంటారు. ఈ పండగ కోసం ప్రభుత్వం ప్రత్యేకంగా నిధులు సైతం విడుదల చేస్తుంది. అయితే, కేవలం తెలంగాణలోనే కాకుండా తెలుగువారు స్థిరపడిన అన్ని దేశాల్లో ఈ పండుగను జరుపుకుంటారు. వివిధ దేశాల్లో జరిగే ఈ ఉత్సవాల్లో ఎమ్మెల్సీ కవిత(MLC Kavitha) పాల్గొని వారిలో జోష్ నింపుతుంటారు. ఈ ఏడాది కూడా ఎమ్మెల్సీ కవిత విదేశాల్లో జరిగే బోనాల ఉత్సవాల్లో పాల్గొననున్నారు. ఇందులో భాగంగానే కవిత ఆస్ట్రేలియా, న్యూజిలాండ్ పర్యటనకు వెళ్లనున్నారు.
ఈనెల 15న ఆస్ట్రేలియాలోని బ్రిస్ బేన్ నగరంలో భారత జాగృతి ఆస్ట్రేలియా ఆధ్వర్యంలో బోనాలు సంబరాలు జరగనున్న వేడుకల్లో పాల్గొననున్నారు. ఉదయం 10 గంటలకు బ్రిస్ బేన్ లోని గాయత్రి మందిరంలో జరగనున్న ఈ వేడుకల్లో ప్రవాస భారతీయులతోపాటు ఆస్ట్రేలియా మంత్రులు, ఎంపీలు హాజరుకానున్నారు. అదే విధంగా ఈ నెల 16న న్యూజిలాండ్ లోని ఆక్లాండ్ నగరంలో జరగనున్న బోనాలు వేడుకలో ఎమ్మెల్సీ పాల్గొంటారు. న్యూజిలాండ్ తెలంగాణ సెంట్రల్ అసోసియేషన్ ఆధ్వర్యంలో ఉదయం 9 గంటలకు వివిధ రాష్ట్రాల ఎన్నారైలు ఏర్పాటు చేసిన ప్రవాస భారతీయ సమ్మేళనంలో కవిత(MLC Kavitha) పాల్గొంటారు. అనంతరం ఆక్లాండ్‌లోని గణేష్ టెంపుల్ లో ఉదయం 11 గంటలకు నిర్వహించనున్న బోనాల పండుగ లో పాల్గొంటారు.
Read Also: కేటీఆర్‌లా నేను అమెరికాలో బాత్రూంలు కడగలేదు: రేవంత్ రెడ్డి
Follow us on: Instagram Threads, Google News, Koo, Twitter, ShareChat
