Munugode By Poll: మర్రిగూడ మండల పోలింగ్ కేంద్రంలో ఉద్రిక్తత

Munugode By Poll live updates police lathi charge in marriguda మునుగోడులో ఉప ఎన్నిక పోలింగ్ వాడివేడిగా జరుగుతుంది. ఓటు వేసేందుకు ఓటర్లు పోలింగ్ భూత్‌‌ల వద్ద బారులు తీరారు. ఈ నేపథ్యంలో మర్రిగూడ మండల కేంద్రంలో ఉద్రిక్తత పరిస్థితి నెలకొంది. పోలింగ్‌‌లో స్థానికేతరులు వున్నారని పార్టీల నేతలు ఘర్షణకు దిగారు. దీంతో అదుపు చేసే క్రమంలో బీజేపీ నేతలకు పోలీసులకు మధ్య వాగ్వాదం జరిగింది. పోలీసులకు కంప్లైంట్ చేసినా గజ్వేల్, సిద్దిపేట టీఆర్ఎస్ నేతలు ఇక్కడే వున్నారని బీజేపీ నేతలు ఆరోపించారు. టీఆర్ఎస్‌‌కి ఓటేయాలని లేకుంటే పెన్షన్లు రద్దుచేస్తామని ప్రజలను భయాందోళనకు గురి చేస్తున్నారని బీజేపీ నేతలు ఆరోపించారు. అయితే.. నెలకొన్న ఉద్రిక్తతను అదుపులోకి తీసుకురావడానికి మర్రిగూడ మండల కేంద్రంలో పోలీసులు లాఠీఛార్జ్ చేశారు.