Siddipet |తెలంగాణలో వీధి కుక్కలు మరోసారి రెచ్చిపోయాయి. హైదరాబాద్ అంబర్‌పేటలో వీధి కుక్కల దాడిలో ఓ బాలుడు మృత్యువాత పడిన అనంతరం రాష్ట్ర ప్రభుత్వం అప్రమత్తమైనా.. రాష్ట్ర వ్యాప్తంగా పలుచోట్ల వీధి కుక్కల దాడులు జరిగుతూనే ఉన్నాయి. తాజాగా.. సిద్దిపేట(Siddipet) అద‌న‌పు కలెక్టర్ శ్రీనివాస్‌రెడ్డితోపాటు మ‌రో ఇద్దరిపై కుక్కలు దాడి చేశాయి. ఈ దాడిలో వారు తీవ్రంగా గాయపడ్డారు. ఈ విష‌యం ఆల‌స్యంగా వెలుగులోకి వ‌చ్చింది. వివరాల్లోకి వెళితే.. జిల్లా అడిషనల్ కలెక్టర్(Additional Collector) శ్రీనివాస్ రెడ్డి తన క్వార్టర్స్ ఆవరణలో పెంపుడు కుక్కతో కలిసి వాకింగ్ చేస్తున్నారు. ఈ క్రమంలో అక్కడకు వచ్చిన ఓ వీధి కుక్క అడిషనల్ కలెక్టర్ శ్రీనివాస్ రెడ్డిపై దాడి చేసింది. అతని రెండు కాళ్ల పిక్కలను పట్టి తీవ్రంగా గాయపరించింది. అంతేకాదు అడిషనల్ కలెక్టర్ పెంపుడు కుక్కపైనా దాడి చేసింది.
Read Also: అమరావతి ఆర్5 జోన్ జీవోపై స్టేకు హైకోర్టు నిరాకరణ
