ఆర్టీసీ ఉద్యోగులకు తెలంగాణ ప్రభుత్వం శుభవార్త అందించింది. ఉద్యోగులకు 21 శాతం ఫిట్‌మెంట్ ఇవ్వనున్నట్లు మంత్రి పొన్నం ప్రభాకర్ తెలిపారు. జూన్ 1 నుంచి కొత్త ఫిట్‌మెంట్ అమల్లోకి వస్తుందని వెల్లడించారు. ఈ నిర్ణయంతో 53,071 మంది ఉద్యోగులకు ఆర్థిక ప్రయోజనం చేకూరనుండగా.. ప్రభుత్వంపై రూ.35 కోట్ల భారం పడనుందన్నారు. అయినా కానీ ఆర్టీసీ ఉద్యోగులు, కార్మికులకు సంక్షేమమే లక్ష్యంగా పెట్టుకున్నామని పొన్నం చెప్పారు.
టీఎస్ఆర్టీసీ ఉద్యోగుల శ్రమకు తగిన గుర్తింపు దక్కింది. తెలంగాణ ప్రభుత్వ సహకారంతో 2017కి సంబంధించిన పే స్కేల్ పై 21 శాతం పిట్ మెంట్ ను TSRTC యాజమాన్యం ప్రకటించింది. ఈ పిట్ మెంట్ 2017 ఏప్రిల్ నుంచి అమల్లోకి వస్తుంది. పెంచిన పిట్ మెంట్ ప్రకారం కొత్త వేతనాలు ఈ ఏడాది జూన్ 1 నుంచి… pic.twitter.com/hRjNsEJ5TP
— VC Sajjanar – MD TSRTC (@tsrtcmdoffice) March 9, 2024
మహిళలకు ఉచిత బస్సు ప్రయాణం ద్వారా ఆర్టీసీ బస్సులు ఆక్యూపెన్సీ పెరిగిందన్నారు. ఈ సందర్భంగా ఆర్టీసీ సిబ్బంది సేవలను ఆయన కొనియాడారు. మహిళలకు ఆర్టీసీ బస్సుల్లో ఉచిత ప్రయాణ సౌకర్యం ఇవ్వడం ఇష్టం లేకపోతే విపక్షాలు చెప్పాలని డిమాండ్ చేశారు. అంతేకానీ ఆటో డ్రైవర్లను రెచ్చగొట్టడం సరికాదని పొన్నం తీవ్ర ఆగ్రహం వ్యక్తం చేశారు. ఆటో కార్మికుల సంక్షేమం కోసం ఏడాదికి రూ.15వేలు ఇస్తున్నామని వివరించారు.
