SSC Exam Fee | పదో తరగతి విద్యార్థులకు పరీక్షలు దగ్గర పడుతున్నాయి. వచ్చే ఏడాది మార్చి నెలలో వారి వార్షిక పరీక్షలు జరగనున్నాయి. ఈ నేపథ్యంలోనే పదో తరగతి పరీక్షల ఫీజు చెల్లించే సమయొచ్చింది. ఈ విషయాన్ని తెలంగాణ ప్రభుత్వ పరీక్షల విభాగం సంచాలకులు ప్రకటించారు. పదో తరగతి చదువుతున్న విద్యార్థులంతా అలెర్ట్‌గా ఉండాలని, వీలైనంత వరకు ఎటువంటి లేట్ ఫీజు లేకుండానే రుసుంను చెల్లించాలని అధికారులు చెప్తున్నారు.
SSC Exam Fee | ఎటువంటి ఆలస్య రుసుం లేకుండా నవంబర్ 18 వరకు పరీక్ష ఫీజును చెల్లించవచ్చు. ఒకవేళ ఆ తేదీలోపు ఫీజు కట్టలేని పక్షంలో రూ.50 ఆలస్య రుసుంతో డిసెంబర్ 2 వరకు, రూ.200 లేట్ ఫీజుతో డిసెంబర్ 12 వరకు, రూ.500 ఆలస్య రుసుంతో డిసెంబర్ 21 వరకు విద్యార్థులు తమ ఫీజులు చెల్లించుకోవచ్చని అధికారులు వెల్లడించారు. ఈ మేరకు అధికారిక ప్రకటనను విడుదల చేశారు తెలంగాణ ప్రభుత్వ పరీక్షల విభాగం అధికారులు.
