బీఆర్ఎస్ నేతలపై రేవంత్ రెడ్డి(Revanth Reddy) నోటికొచ్చినట్లు మాట్లాడుతున్నారని, పోలీసులకు ఫిర్యాదులు చేసినా కేసులు నమోదు చేయడం లేదని ఎస్సీ, ఎస్టీ కమిషన్ మాజీ ఛైర్మన్ ఎర్రోళ్ల శ్రీనివాస్ ఆవేదన వ్యక్తం చేశారు. ఈ క్రమంలోనే సీఎం రేవంత్ రెడ్డిపై కేసులు నమోదు చేసేలా ఆదేశాలు జారీ చేయాలంటూ ఆయన తెలంగాణ హైకోర్టును(TG High Court) ఆశ్రయించారు. ఈ పిటిషన్‌ను స్వీకరించిన న్యాయస్థానం తాజాగా విచారణ జరిపింది. అనంతరం పిటిషనర్ శ్రీనివాస్(Errolla Srinivas) కు భారీ షాక్ ఇచ్చింది. ఆయన కోరిన విధంగా ఆదేశాలు జారీ చేయడం కుదరదని స్పష్టం చేసింది. అంతేకాకుండా ఆయన పిటిషన్‌ను కొట్టివేస్తున్నట్లు వెల్లడించింది.
‘‘సీఎం అనేక సమావేళల్లో అనేక అంశాలపై మాట్లాడుతుంటారు. ఆ సందర్భంల్లో ఏదో మాట్లాడారని, వాటిని తప్పులుగా పరిగణిస్తూ కేసులు నమోదు చేయమని ఆదేశాలు ఇవ్వలేము’’ అని స్పష్టం చేసింది. దీంతో హైకోర్టు(TG High Court) వ్యాఖ్యలు ప్రస్తుతం హాట్ టాపిక్‌గా మారాయి. ఈ సందర్బంగా సీఎం హోదాలో ఉన్న వ్యక్తి సమావేశంలో ఏమి మాట్లాడినా చెల్లుబాటు అవుతుందా అని కూడా ప్రశ్నిస్తున్నారు.
