బంగ్లాదేశ్ మాజీ ప్రధాని షేక్ హసీనా(Sheikh Hasina) కి మరో షాక్ తగలనున్నట్టు తెలుస్తోంది. ముహమ్మద్ యూనస్ నేతృత్వంలోని తాత్కాలిక ప్రభుత్వాన్ని కూల్చివేసేందుకు కుట్ర పన్నారనే కేసులో ఆమెతో సహా మరో 11 మందిపై రెడ్ నోటీసు(Red Notice) జారీ చేయాలని బంగ్లాదేశ్ ఇంటర్పోల్ ను అభ్యర్థించిందని స్థానిక మీడియా నివేదికలు తెలిపాయి. సదరు నివేదికల ప్రకారం… అంతర్యుద్ధాన్ని ప్రేరేపించడం, పరివర్తన పరిపాలనను తొలగించడానికి కుట్ర పన్నారనే ఆరోపణలపై దర్యాప్తు కొనసాగుతున్న నేపథ్యంలో బంగ్లాదేశ్ పోలీసు ప్రధాన కార్యాలయం ఈ అభ్యర్థనను సమర్పించింది.
బంగ్లాదేశ్ లోని ప్రముఖ దినపత్రిక ది ఢాకా ట్రిబ్యూన్… అసిస్టెంట్ ఇన్‌స్పెక్టర్ జనరల్ (మీడియా) ఇనాముల్ హక్ సాగోర్ ఈ విషయాన్ని ధృవీకరించారని కూడా పేర్కొంది. “ఈ దరఖాస్తులు దర్యాప్తు సమయంలో లేదా కొనసాగుతున్న కేసు విచారణల ద్వారా వెలువడే ఆరోపణలకు సంబంధించి దాఖలు చేయబడ్డాయి. రెడ్ నోటీసు అభ్యర్థన ప్రస్తుతం ప్రాసెస్ చేయబడుతోంది” అని ఆయన పేర్కొన్నట్లు వెల్లడించింది.
కాగా, రెడ్ నోటీసు జారీ చేసిన తర్వాత ప్రపంచవ్యాప్తంగా చట్ట అమలు సంస్థలు నిందితులను అప్పగించడం లేదా ఇతర చట్టపరమైన చర్యలు పెండిం గ్‌లో ఉన్న వారిని గుర్తించి తాత్కాలికంగా అదుపులోకి తీసుకోవడానికి వీలు కల్పిస్తుంది. విదేశాలలో నివసిస్తున్న పారిపోయిన వ్యక్తుల స్థానాలను గుర్తించడంలో ఇంటర్పోల్(Interpol) కీలక పాత్ర పోషిస్తుంది. పరారీలో ఉన్న వారు ఎక్కడ ఉన్నారో నిర్ధారించబడిన తర్వాత, ఆ సమాచారం ఇంటర్పోల్ కు పంపబడుతుంది. కోర్టులు, పబ్లిక్ ప్రాసిక్యూటర్లు లేదా దర్యాప్తు సంస్థల నుండి వచ్చిన అప్పీళ్ల ఆధారంగా పోలీసులు ఇటువంటి విధానాలను చేపడతారని డైలీ స్టార్ పేర్కొంది.
షేక్ హసీనా(Sheikh Hasina) అరెస్టు కోసం ఇంటర్పోల్ సహాయం కోరాలని అంతర్జాతీయ నేరాల ట్రిబ్యునల్ చీఫ్ ప్రాసిక్యూటర్ కార్యాలయం గతంలో పోలీసులను కోరింది. ఆ అధికారిక అప్పీల్ గత సంవత్సరం నవంబర్‌లో జరిగింది. హసీనా సామూహిక హత్య నుండి అవినీతి వరకు 100 కి పైగా కేసులను ఎదుర్కొంటున్నారు. అవామీ లీగ్ కింద ఆమె 16 సంవత్సరాల పాలన బంగ్లాదేశ్ పతనానికి దారి తీసిందని విద్యార్థుల నేతృత్వంలోని భారీ ఉద్యమం తరువాత… గత సంవత్సరం ఆగస్టు 5న బంగ్లాదేశ్ నుండి ఆమె పారిపోయారు. బంగ్లాదేశ్ వ్యవస్థాపకుడు షేక్ ముజిబుర్ రెహమాన్ కుమార్తె హసీనా అప్పటి నుండి భారతదేశంలో నివసిస్తున్నట్లు సమాచారం. ఆమె మాజీ మంత్రులు, పార్టీ అగ్ర నాయకులలో చాలామంది మానవత్వానికి వ్యతిరేకంగా నేరాలు వంటి తీవ్రమైన ఆరోపణలపై విచారణ నుండి తప్పించుకునే ప్రయత్నంలో అరెస్టు చేయబడ్డారు, కొందరు దేశం నుండి పారిపోయారు.
Read Also: వివాహేతర సంబంధం నేరం కాదు -ఢిల్లీ హైకోర్టు
Follow Us : Google News, Twitter, Share Chat
