పల్లిలు అమ్ముకునే వ్య‌క్తి ఒక పాట‌తో ఓవ‌ర్ నైట్ స్టార్ అయ్యాడు. అత‌నే భూబ‌న్. క‌చ్చా బాదామ్ అనే పాట‌తో ప్ర‌పంచ వ్యాప్తంగా ఫుల్ క్రేజ్ ను సొంతం చేసుకున్నాడు. దీనితో అతను ఒక పెద్ద సెల‌బ్రెటీ అయిపోయాడు. స్టార్ డ‌మ్ రావ‌డంతో సెకండ్ హాండ్ లో ఒక కారు తీసుకున్నాడు భూబ‌న్. అయితే భూబ‌న్ కు డ్రైవింగ్ రాక‌పోవ‌డంతో నేర్చుకుంటున్నాడు. ఈ క్రమంలో భూబ‌న్ కారు నడుపుతుండగా ప్రమాదం జ‌రిగింది. ఈ ప్రమాదంలో భూబ‌న్ ఛాతిలో బ‌ల‌మైన గాయం అయింది. దీనితో అతను ఆసుపత్రిలో చేరాడు. ప్ర‌స్తుతం భూబ‌న్ ఆరోగ్య ప‌రిస్థితి నిల‌క‌డ‌గానే ఉన్నట్లు తెలుస్తుంది.
