ప్రకృతిలో వివిధ రకాల ఔషద మొక్కలు ఉంటాయి. వీటివల్ల అనేక ప్రయోజనాలు ఉంటాయి. పూర్వంలో ఈ ఔషధ మొక్కలతోనే ఎలాంటి ఆరోగ్య సమస్యల చెక్ పెట్టేవారు. అంతేకాకుండా ప్రకృతిలో ఉన్న ప్రతి ఔషధ మొక్కతో ఆరోగ్యపరంగా ఏదో ఒక ప్రయోజనం తప్పకుండా ఉంటుంది. ముఖ్యంగా తులసి, వేప, కలబంద గురించి ప్రత్యేకంగా చెప్పనవసరం లేదు. తాజాగా శాస్త్రవేత్తలు చేసిన పరిశోధనలలో పుదీనా ఆకులు తినడం వల్ల అనేక ఆరోగ్యప్రయోజనాలు పొందొచ్చు అని వెల్లడయింది.
పుదీనా ఆకుల్లో ఎన్నో ఔషధ గుణాలు ఉంటాయి.కావున రోజూ ఉద‌యాన్నే ప‌ర‌గ‌డుపున నాలుగైదు పుదీనా ఆకులను నేరుగా అలాగే న‌మిలి మింగడం వల్ల అద్భుతమైన ఆరోగ్యప్రయోజనాలు పొందవచ్చు. లేదంటే ఒక క‌ప్పు మోతాదులో పుదీనా ఆకుల ర‌సం తగిన కూడా అద్భుతమైన లాభాలు క‌లుగుతాయి. పుదీనా ఆకులను తినడం వల్ల జీర్ణ వ్య‌వ‌స్థ పనితీరు మెరుగుపడడంతో పాటు జీర్ణవ్యవస్థను శుభ్రం చేయడంలో కూడా సహాయపడుతుంది.
అంతేకాకుండా పుదీనా ఆకులను తింటే మెద‌డు చురుగ్గా ప‌నిచేస్తుంది. ఏకాగ్రత, జ్ఞాపకశక్తి పెరగడంతో పాటు మ‌తిమ‌రుపు కూడా తగ్గే అవకాశం ఉంటుంది. ముఖ్యంగా చదువుకునే చిన్నారులకు ఈ ఆకులు తినిపించడం వల్ల ఏకాగ్రత, జ్ఞాపకశక్తి పెంపొందుతుంది. అలాగే అధిక బ‌రువు స‌మ‌స్య‌తో బాధ‌ప‌డేవారు ఈ ఆకులను తినడం వల్ల మంచి ఫలితాలు లభిస్తాయి.
