దేశ వ్యాప్తంగా పాస్ పోర్ట్ సర్వర్లు నిలిచిపోవడంతో ప్రజలు తీవ్ర ఇబ్బందులు పడుతున్నారు. దీనితో విజయవాడ, విశాఖపట్నం, బెంగుళూర్,హైదరాబాద్, తిరుపతి కేంద్రాల వద్ద ప్రజలు బారులు తీరారు. అయితే సిబ్బంది మాత్రం రీ షెడ్యూల్ చేసుకోవాలని ఉచిత సలహా ఇస్తున్నారు.
కోవిడ్ తరువాత పాస్ పోర్ట్ కోసం భారీగా దరఖాస్తులు చేసుకోవడంతో పాస్ పోర్ట్ కేంద్రాల వద్ద వేలాది మంది పడిగాపులు గాస్తున్నారు. షెడ్యూల్ లిమిట్ దాటిపోయిన వారికి, రీ షెడ్యూల్ కోసం అదనపు వసూళ్లు చేయడంతో ప్రజలు ఇక్కట్లు పడుతున్నారు.
దీనితో పాస్ పోర్ట్ సేవా సిబ్బంది పూర్తిగా చేతులు ఎత్తివేయగా..కేంద్రం ప్రత్యామ్నాయ ఏర్పాట్లు చెయకపోవడంతో ప్రజలు మండిపడుతున్నారు. సర్వర్ పనిచేయక వరుసగా స్లాట్స్ బుక్ చేస్తూ ఉండటంతో జనం జేబులకు చిల్లు పడుతుంది.
