Revanth Reddy: మునుగోడు ఉప ఎన్నికల నేపథ్యంలో ఎన్నికల ప్రచారం జోరందుకుంది. ప్రముఖ రాజకీయ పార్టీలు అన్ని మునుగోడులో ప్రచారాన్ని ముమ్మరం చేస్తున్నాయి. ఈ ఎన్నికలను కాంగ్రెస్ పార్టీ కూడా ప్రతిష్టాత్మకంగా తీసుకున్న విషయం తెలిసిందే. మునుగోడులో తమ స్థానాన్ని ఎలాగైనా కాపాడుకోవాలని తెలంగాణ కాంగ్రెస్ ప్రయత్నం చేస్తుంది. అయితే ప్రస్తుతం రేవంత్ రెడ్డి సోషల్ మీడియా వేదికగా ఎమోషనల్ అయ్యారు. ఇప్పుడు ఈ వీడియో తెలుగు రాష్ట్రలలో సంచలనంగా మరింది. ఈ వీడియోలో రేవంత్ రెడ్డి (Revanth Reddy) మాట్లాడుతూ.. ‘‘లాఠీ, తూటాలకైనా తుపాకీ గుండ్లకైనా నేను సిద్ధం. ప్రాణాలు సైతం ఇచ్చేందుకు చివరి శ్వాస వరకు కాంగ్రెస్ కోసం పని చేస్తా. నన్ను ఒంటరిని చేసేందుకు కొందరు కుట్ర పన్నుతున్నారు. నేను పీసీసీ పదవికి వచ్చినందుకు సీనియర్ నేతలు కక్ష పెంచుకున్నారు. మునుగోడులో కాంగ్రెస్ పార్టీని ఖతం పట్టించేందుకు ప్లాన్ వేస్తున్నారు. దాన్ని తిప్పికొట్టేందుకు కార్యకర్తలు అప్రమత్తంగా ఉండాలి నాకు కార్యకర్తలు తప్ప ఇంకోదారి లేదు. నేను కార్యకర్తలందరికి అండగా ఉంటాను. కాంగ్రెస్‌‌ను బతికించుకుందాం. మునుగోడుకు రండి పార్టీని కాపాడుకుందాం. దివిసీమలా మన రాష్ట్రం కాకూడదు.’’ అని పార్టీ కార్యకర్తలకు రేవంత్ రెడ్డి పిలుపునిచ్చారు.
లాటి తూటాలకైనా తుపాకి గుండ్లకైనా నేను సిద్ధం! ప్రాణాలు సైతం ఇచ్చేందుకు చివరి శ్వాస వరకు కాంగ్రెస్ కోసం పని చేస్తా!
కాంగ్రెస్ని బ్రతికించుకుందాం!పార్టీ కార్యకర్తలకు రేవంత్ రెడ్డి గారి పిలుపు!మునుగోడుకు రండి పార్టీని కాపాడుకుందాం దివిసీమలా మన రాష్ట్రం కాకూడదు
– @revanth_anumula pic.twitter.com/FrQONe2jIi— Telangana Congress (@INCTelangana) October 20, 2022
Read also: నేడు కేటీఆర్ రోడ్‌ షో
