Munugode Bypoll Results Live Updates: ఆధిక్యంలో టీఆర్ఎస్ పార్టీ ఉండటంతో తెలంగాణ భవన్‌‌లో టీఆర్ఎస్ పార్టీ శ్రేణుల సంబురాలు చేసుకుంటున్నారు. బాణసంచా పేల్చి, నృత్యాలు చేస్తున్నారు. జై తెలంగాణ, జై కేసీఆర్, కేసీఆర్ జిందాబాద్, కేటీఆర్ జిందాబాద్ అంటూ నినాదాలు చేస్తున్నారు.డప్పు మోతలతో తెలంగాణ భవన్ ప్రాంతం గులాబీ మయంగా మారింది. అయితే.. 11 రౌండ్లు ముగిసే సమయానికి టీఆర్ఎస్ 5వేల పైచిలుకు ఓట్ల ఆధిక్యంలో కొనసాగుతోంది. 11వ రౌండ్‌లో టీఆర్ఎస్‌‌కు 7,235, బీజేపీకి 5,877 ఓట్లు వచ్చాయి. మొత్తంగా టీఆర్ఎస్ 5,774 ఓట్ల ఆధిక్యంలో ఉంది. కాగా.. 11రౌండ్లు పూర్తయ్యేసరికి లక్షా 70వేల ఓట్ల కౌంటింగ్ పూర్తయింది.
- Advertisement -
