Fire Accident at janapriya apartment in Hyderabad: రంగారెడ్డి జిల్లాలోని రాజేంద్రనగర్ హైదర్‌గూడలో అగ్ని ప్రమదం చోటు చేసుకుంది. జనప్రియ అపార్ట్‌మెంట్‌లోని నాలుగవ అంతస్తులో ఒక్కసారిగా మంటలు చెలరేగాయి. ఓ ఫ్లాట్లో మంటలు అకస్మాత్తుగా మంటలు చెలరేగడంతో గమనించిన అపార్ట్మెంట్ వాసులు పోలీసులకు, అగ్నిమాపక సిబ్బందికి సమాచారం అందించారు. దీంతో ఘటన స్థలానికి చేరుకున్న అగ్నిమాపక సిబ్బంది, పోలీసులు.. రెండు ఫైర్‌ ఇంజన్లతో మంటలను అదుపు చేశారు. కాగా.. ప్రమాదం జరిగిన ఫ్లాట్లో ఎవరూ లేకపోవడంతో అంతా ఊపిరి పీల్చుకున్నారు. షాక్ సర్క్యూట్‌ వల్ల అగ్ని ప్రమాదం జరిగి ఉంటుందని అధికారులు అంచనా వేస్తున్నారు. పోలీసులు కేసు నమోదు చేసుకొని దర్యాప్తు చేస్తున్నారు.
- Advertisement -
