Dinner Tea: తిన్న ఆహారం డైజెస్ట్ అవకపోతే అనేక ఆరోగ్య సమస్యలు తలెత్తుతాయి. రాత్రిళ్లు ఈ సమస్యలు మరింత ఇబ్బంది పెడుతుంటాయి. అందుకే రాత్రి భోజనం తర్వాత ఈ డిన్నర్ టీ తీసుకుంటే చాలా ఆరోగ్య ప్రయోజనాలు ఉంటాయి అని చెబుతున్నారు నిపుణులు. ఈ డిన్నర్ టీ నిద్రను కలిగిస్తుంది. అరుగుదలను పెంచుతుంది. పొట్ట ఉబ్బరింపుని తగ్గిస్తుంది. గ్యాస్ ఫామ్ అవకుండా హెల్ప్ చేస్తుంది. జీర్ణక్రియ సంబంధ సమస్యలను తగ్గిస్తుంది. ఆరోగ్యానికి మేలు చేసే ఈ డిన్నర్ టీ ఎలా చేసుకోవాలో ఇప్పుడు తెలుసుకుందాం.
కావల్సిన పదార్థాలు:
సోపు గింజలు- పావు టీస్పూన్
దాల్చిన చెక్క- ముప్పావు టీస్పూన్
జాజికాయ పొడి- పావు టీస్పూన్
నీళ్లు- 1 కప్పు
పాలు- పావు కప్పు
పాతబెల్లం లేదా తేనె లేదా పటికబెల్లం లేదా పంచదార
Dinner tea – తయారు చేసే విధానం:
ఒక కప్పు నీళ్లను స్టవ్ మీద పెట్టి మరిగించాలి. మరిగే నీళ్లకు సోపు గింజలు పావు చెంచాడు, దాల్చిన చెక్క చూర్ణం ముప్పావు చెంచాడు, జాజికాయ పొడి పావు చెంచాడు కలపాలి. వెంటనే మూత పెట్టి స్టవ్ ఆపేయాలి. 5 నిమిషాల తర్వాత కప్పులోకి వడపోసుకుని, పావు కప్పు పాలు కలపాలి. పాతబెల్లం లేదా తేనె లేదా పటికబెల్లం లేదా పంచదార మీ ఇష్టానికి తగ్గట్టు కలుపుకుని తాగాలి.
Read Also: జనవరిలో మొత్తం 11 రోజులు బ్యాంకులు క్లోజ్
