Varun Tej Lavanya |టాలీవుడ్ యంగ్ హీరోలు ఒక్కొక్కరుగా తమ బ్యాచిలర్ లైఫ్‌కు ముగింపు పలుకుతున్నారు. రీసెంట్‌గా శర్వానంద్ తన బ్యాచిలర్ లైఫ్‌కు ముగింపు పలకగా.. తాజాగా.. ఈ జాబితాలో మెగా హీరో వరుణ్ తేజ్ చేరబోతున్నారు. జూన్‌ 9వ తేదీన హీరోయిన్‌ లావణ్యతో వరుణ్ ఎంగేజ్మెంట్ జరగనున్నట్లు ఇండస్ట్రీ వర్గాల్లో వార్తలు విస్తృతం అయ్యాయి. ఈ మేరకు ఓ మీడియా చానల్‌లో వార్తా కథనం ప్రచురితమైంది. ఈ విషయాన్ని మెగా కుటుంబానికి సన్నిహితంగా ఉన్న వ్యక్తులు వెల్లడించినట్లు పేర్కొంది. హైదరాబాద్‌లోని నివాసంలో లేదా ఓ ఫంక్షన్‌ హాలులో వీరి నిశ్చితార్థ వేడుక జరగనున్నట్లు తెలిపింది. ఈ ఏడాదిలోనే వీరి వివాహం కూడా ఉంటుందని పేర్కొంది.
Varun Tej Lavanya |ఈ వేడుకకు చిరంజీవి, పవన్ కల్యాణ్‌, రామ్‌ చరణ్‌, ఉపాసన, సాయిధరమ్‌ తేజ్, అల్లు శిరీష్‌, సుష్మిత, శ్రీజ సహా కొణిదెల కుటుంబం అంతా హాజరుకానున్నట్లు తెలుస్తోంది. అల్లు అర్జున్ కుటుంబం కూడా ఈ వేడుకకు హాజరయ్యే అవకాశం ఉందని సమాచారం. ప్రస్తుతం వరుణ్ తేజ్ హాలిడే ట్రిప్‌కు వెళ్లినట్లు తెలుస్తోంది. ఇటలీలోని రోమ్‌లో ఉన్నట్లు కొన్ని ఫొటోలను సోషల్‌ మీడియాలో పోస్టు చేశారు. లావణ్య కూడా ట్రావెలింగ్‌ చేస్తున్నట్లు పోస్టు చేసింది. దీంతో ప్రస్తుతం ఈ జంట హాలిడే డ్రిప్‌లో ఉన్నారని నెటిజన్లు భావిస్తున్నారు. ట్రిప్‌ నుంచి తిరిగొచ్చిన తర్వాత తమ ఎంగేజ్మెంట్ గురించి అధికారికంగా ప్రకటించే అవకాశం ఉన్నట్లు సమాచారం.
