Telangana BJP | ఎమ్మెల్యే ఈటల రాజేందర్(Eatala Rajender), ధర్మపురి అర్వింద్‌(Arvind Dharmapuri)కు కేంద్రం ప్రభుత్వం భద్రతను పెంచింది. ఇద్దరిరి బుల్లెట్ ప్రూఫ్ వెహికల్‌తో పాటు సీఆర్పీఎఫ్ భద్రత కల్పించనుంది. ఈటల రాజేందర్‌కు వై ప్లస్(Y Plus) కేటగిరి, ధర్మపురి అర్వింద్‌కు వై కేటగిరి భద్రతను కేంద్రం కేటాయించింది. ఇటీవల ఈటల రాజేందర్ తనకు ప్రాణహాని ఉందని.. తనను చంపేందుకు రూ.20 కోట్ల రూపాయల సుపారీ ఇచ్చారని ఆరోపించారు. బీఆర్ఎస్ ఎమ్మెల్సీ పాడి కౌశిక్(Padi Kaushik Reddy) రెడ్డి తనను చంపేందుకు చూస్తున్నారని ఈటల ఇటీవల ఆరోపించిన నేపథ్యంలో ఈ భద్రతను పెంచినట్లు తెలుస్తుంది.
Telangana BJP | మరోవైపు గతంలో ఎంపీ ధర్మపురి అరవింద్ పై బీఆర్ఎస్ పార్టీ కార్యకర్తలు రెండుసార్లు దాడికి యత్నించిన విషయం తెలిసిందే. ఓసారి ఆయన నివాసాన్ని కూడా ముట్టడించారు. ఈ క్రమంలో ఢిల్లీ వెళ్లిన ధర్మపురి అరవింద్ కేంద్ర హోంశాఖ మంత్రి అమిత్ షా(Amit Shah), బీజేపీ ఛీఫ్ నడ్డా(JP Nadda)ను కలిసి జరిగిన సంఘటనలను వివరించారు. ఈ నేపథ్యంలోనే కేంద్ర హోం శాఖ ఆయనకు వై కేటగిరి భద్రత కల్పిస్తూ ఉత్తర్వులు జారీ చేసింది.
Read Also: ఇకపై అలా జరగడానికి వీళ్లేదు.. టీ-బీజేపీ నేతలకు నడ్డా స్వీట్ వార్నింగ్
Follow us on: Instagram Threads, Google News, Koo, Twitter, ShareChat
