West Godavari |తెలుగు రాష్ట్రాల్లో సినిమా హీరోలను విపరీతంగా ఆరాధించే అభిమానులు ఉన్నారు. తమ హీరో గొప్ప అంటే తమ హీరో గొప్ప అని ఫ్యాన్స్ గొడవపడుతుండడం సాధారణంగా చూస్తూనే ఉంటాం. అయితే పశ్చిమగోదావరి(West Godavari) జిల్లా అత్తిలిలో మాత్రం హద్దులు దాటిన ఆ అభిమానం ప్రాణాలు తీసేంత వరకు వెళ్లింది. ఏలూరుకు చెందిన హరికుమార్, కిషోర్ అనే ఇద్దరు వ్యక్తులు పెయింటింగ్ పని చేయడానికి అత్తిలి వెళ్లారు.
ఈ క్రమంలో ఇద్దరు కలిసి మద్యం తాగారు. అనంతరం హరి తన వాట్సాప్ స్టేటస్ గా ప్రభాస్(Prabhas) వీడియోను పెట్టాడు. అయితే పవన్ కల్యాణ్‌(Pawan Kalyan) వీడియో పెట్టుకోవాలని కిషోర్ వాదించాడు. ఇలా ఇద్దరి మధ్య తీవ్ర వాగ్వాదం జరిగింది. దీంతో సహనం కోల్పోయిన హరికుమార్ సెంట్రింగ్ పైపుతో కిషోర్ తలపై కొట్టడంతో పాటు సిమెంట్ రాయి ముఖం మీద వేయడంతో స్పాట్ లోనే మృతిచెందాడు. నిందితుడు హరి పరారీలో ఉండగా.. పోలీసులు అతని కోసం గాలిస్తున్నారు.
Read Also: గుండెపోటుతో ఐసీయూలో జబర్దస్త్ నటుడు చలాకీ చంటి?
Follow us on: Google News, Koo, Twitter
