జనసేన అధినేత పవన్ కల్యాణ్‌కు విద్యాశాఖ మంత్రి బొత్స సత్యనారాయణ(Botsa Satyanarayana) కౌంటర్ ఇచ్చారు. బైజూస్‌పై ప్రభుత్వానికి ట్విట్టర్‌లో పవన్ పలు ప్రశ్నలు సంధించారు. వాటికి సమాధానంగా మంత్రి బొత్స ఆదివారం కౌంటర్ ఇచ్చారు. బైజూస్‌ను టీచర్లు వ్యతిరేకిస్తున్నారంటూ మీడియాలో వచ్చిన లింక్‌ను పవన్ మంత్రికి ట్యాగ్ చేశారు. దానికి మంత్రి కౌంటర్ ట్వీట్ చేశారు.
- Advertisement -
టెండర్లన్నీ పారదర్శకంగా, కోర్టు నియమించిన కమిటీల ద్వారా ఇచ్చామని తెలిపారు. ఆ వివరాలన్నీ పబ్లిక్ డొమైన్‌లో ఉన్నాయని పేర్కొన్నారు. టెండర్లకు సంబంధించి పవన్ కళ్యాణ్(Pawan Kalyan) ఏడు అంశాలను పేర్కొన్నారని వెల్లడించారు. పవన్ కళ్యాణ్‌కు ట్యూషన్ చెప్పేందుకు సిద్ధంగా ఉన్నానని తెలిపారు. అయితే ఈ ఏడు అంశాలపై హోంవర్క్ చేయాలని బొత్స కండిషన్ పెట్టారు.
