చరిత మరువని నటనా కౌశలం ఎన్టీఆర్(NTR) అని జనసేన అధినేత పవన్ కల్యాణ్(Pawan Kalyan) కొనియాడారు. ఎన్టీఆర్ శత జయంతిని పురస్కరించుకుని ఆయన సేవలను కొనియాడుతూ ఓ ప్రకటన విడుదల చేశారు.‘చరిత మరువని నటనా కౌశలం.. తెలుగు నుడికారంపై మమకారం.. పార్టీని స్థాపించిన ఎనిమిది నెలల్లోనే అధికార కైవసం.. ఇలా మాట్లాడుకుంటే స్ఫురణకు వచ్చే ఒకే ఒక పేరు నందమూరి తారక రామారావు. ఆయన శత జయంతి సందర్భంగా అంజలి ఘటిస్తున్నాను. అవిభాజ్య ఆంధ్రప్రదేశ్ ముఖ్యమంత్రిగా ఆయన ప్రారంభించిన రెండు రూపాయలకే కిలో బియ్యం పథకం ఎంతో మేలైనది.. ఎందరికో అనుసరణీయమైంది. ఢిల్లీ రాజకీయాలలో గుర్తింపునకు నోచుకోక తెలుగు జాతి ఖ్యాతి మసకబారుతున్న తరుణంలో తెలుగువారి ‘ఆత్మ గౌరవం’ అనే నినాదంతో ఎన్నికల బరిలో నిలిచారు. అజేయమైన విజయం అందుకుని తెలుగువారి సత్తా ఢిల్లీ దాకా చాటారు. అటు సినిమా.. ఇటు రాజకీయ రంగంల్లో తనదైన ముద్ర వేసిన ఎన్టీఆర్ తెలుగు బిడ్డగా జన్మించడం తెలుగువారందరికీ గర్వకారణం. ఈ పుణ్య దినాన ఆ మహనీయుడికి నా తరఫున, జనసేన శ్రేణుల పక్షాన నీరాజనాలు అర్పిస్తున్నాను’ అని పవన్ కల్యాణ్(Pawan Kalyan) ఓ ప్రకటనలో తెలిపారు.
Read Also:
1. హీరో శర్వానంద్‌కు ప్రమాదం.. స్వల్ప గాయాలు
2. సంపద సృష్టిస్తాం..పేదలకు పంచుతాం: మహానాడులో చంద్రబాబు
Follow us on: Google News, Koo, Twitter
 అని జనసేన అధినేత పవన్ కల్యాణ్(Pawan Kalyan) కొనియాడారు. ఎన్టీఆర్ శత జయంతిని పురస్కరించుకుని ఆయన సేవలను){kind=link}