Mekapati Chandrasekhar Reddy |ఎన్నికలు సమీపిస్తోన్న వేళ ఏపీలో రాజకీయం రసవత్తరంగా మారుతోంది. తాజాగా.. వైసీపీ నుంచి నలుగురు ఎమ్మెల్యేలను బహిష్కరించడం తీవ్ర చర్చనీయాంశంగా మారింది. ఈ అంశంలో వైసీపీ సస్పెండెడ్ ఎమ్మెల్యే మేకపాటి చంద్రశేఖర్ రెడ్డి, ఎమ్మెల్యే అనిల్ యాదవ్ ఒకరిపై ఒకరు తీవ్ర విమర్శలు చేసుకుంటున్నారు. ఆ ముగ్గురు నెల్లూరు జిల్లాలో ఓడిపోవడం ఖాయం అంటూ మాజీ మంత్రి అనిల్ కుమార్ యాదవ్(Anil Kumar Yadav) సస్పెండ్ అయిన ఎమ్మెల్యేల గురించి కామెంట్లు చేసిన సంగతి తెలిసిందే. వాస్తవానికి ఆయన కోటంరెడ్డిని టార్గెట్ చేద్దామనుకున్నారు, కానీ మేకపాటి(Mekapati Chandrasekhar Reddy) రియాక్ట్ అయ్యారు. ప్రెస్ మీట్ పెట్టి మరీ అనిల్‌పై ఆగ్రహం వ్యక్తం చేశారు. అనిల్ సింగిల్ డిజిట్ మెజార్టీ ఎమ్మెల్యే అని ఎద్దేవా చేశారు. నోరు ఉంది కాబట్టే ఆయనకు జగన్ మంత్రి పదవి ఇచ్చారని చెప్పుకొచ్చారు. నెల్లూరు అంతా అనిల్ గురించే మాట్లాడుకుంటున్నారని, ఆయన ఓడిపోతారని అనుకుంటున్నారని మేకపాటి సెటైర్లు వేశారు.
Read Also: తెలంగాణలోని 119 నియోజకవర్గాల్లో టీడీపీ పోటీ
Follow us on: Google News, Koo, Twitter
