తెలుగుదేశం పార్టీ అత్యంత ప్రతిష్టాత్మకంగా నిర్వహిస్తున్న బస్సు యాత్ర(TDP Bus Tour)లో విషాదం చోటుచేసుకుంది. ప్రస్తుతం పిడుగు రాళ్ల మండలంలో బుధవారం ఈ బస్సు యాత్ర జరిగింది. అయితే, మాజీ ఎమ్మెల్యే యరపతినేని శ్రీనివాసరావు ఆధ్వర్యంలో బ్రాహ్మణపల్లిలో బహిరంగ సభ ఏర్పాటు చేశారు. సభ అనంతరం భోజనాలు ఏర్పాటు చేశారు. ఈ భోజనాల సమయంలో ఒక్కసారిగా తోపులాట జరిగింది. ఈ తోపులాటలో వేడి కుర్మా డేక్షలో యారగని కోటేశ్వరరావు (55) అనే టీడీపీ కార్యకర్త పడిపోయాడు. దీంతో కోటేశ్వరరావుకు తీవ్ర గాయాలయ్యాయి. దీంతో టీడీపీ కార్యకర్త కోటేశ్వరరావును వెంటనే పిడుగురాళ్ల ప్రైవేట్‌ హాస్పిటల్‌కి తరలించారు. కోటేశ్వరరావు శరీరం 70% కాలిపోయినట్లు వైద్యులు వెల్లడించారు. పరిస్థితి విషమించడంతో మెరుగైన చికిత్స నిమిత్తం కోటేశ్వరావుని గుంటూరు ప్రభుత్వాస్పత్రికి తరలించారు. అక్కడ చికిత్స పొందుతూ కోటేశ్వరరావు ప్రాణాలు కోల్పోయాడు.
Read Also:
1. అమరావతి ప్రజలకు కేంద్రం గుడ్ న్యూస్
Follow us on: Google News, Koo, Twitter, ShareChat
