కేంద్రమంత్రి నితిన్ గడ్కరీ(Nitin Gadkari) తిరుమల శ్రీవారిని దర్శించుకున్నారు. బుధవారం ఉదయం ఆయన కుటుంబ సమేతంగా శ్రీవారి తోమాల సేవలో పాల్గొన్నారు. కేంద్ర మంత్రి నితిన్ గడ్కరీ దంపతులకు టీటీడీ చైర్మన్ వైవి సుబ్బారెడ్డి(YV Subba Reddy) ఛైర్మన్ స్వాగతం పలికారు. కేంద్ర మంత్రికి దర్శన ఏర్పాట్లు చేశారు. స్వామివారిని దర్శించుకుని గడ్కరీ మొక్కులు చెల్లించుకున్నారు. దర్శనం అనంతరం కేంద్ర మంత్రి దంపతులకు పండితులు వేదాశీర్వచనం పలికారు.
శ్రీవారి దర్శనానంతరం TTD తరపున ఛైర్మన్ సుబ్బారెడ్డి.. కేంద్ర మంత్రికి జ్ఞాపికలు, స్వామివారి తీర్థ ప్రసాదాలను అందచేశారు. అనంతరం కేంద్ర మంత్రి(Nitin Gadkari) మీడియాతో మాట్లాడారు. దేశం అన్ని రంగాల్లో అభివృద్ధి చెందాలని, ప్రజలందరూ సుఖసంతోషాలతో ఉండాలని దేవుడిని ప్రార్థించినట్లు చెప్పారు. ప్రజాసేవ చేసే శక్తిని తనకు ప్రసాదించాలని కోరుకున్నట్లు చెప్పారు.
Read Also: తలనొప్పి ఎక్కువగా ఉన్నప్పుడు ఈ చిట్కాలు ట్రై చేయండి
Follow us on: Instagram Threads, Google News, Koo, Twitter, ShareChat
