టెక్ దిగ్గజం యాపిల్ మరో అరుదైన రికార్డు సృష్టించింది. ప్రపంచవ్యాప్తంగా 3 ట్రిలియన్ డాలర్ల (రూ. 3 లక్షల కోట్లు) మార్కెట్ విలువను సాధించిన తొలి సంస్థగా యాపిల్ నిలిచింది. సంస్థ షేర్లు 3 శాతం పెరిగి 182.82 డాలర్లు దాటిన క్రమంలో యాపిల్ ఈ ఘనత సాధించింది.
యాపిల్ సంస్థ.. 2018లో 1 ట్రిలియన్ డాలర్లు, 2020 ఆగస్టులో 2 ట్రిలియన్ డాలర్ల మార్కును అందుకుంది. 2021లో సంస్థ షేర్ల విలువ 35 శాతం మేర పెరిగింది. యాపిల్ ఉత్పత్తుల్లో ఐఫోన్ 13తో పాటు ఇతర స్మార్ట్ఫోన్లకు విశేష ఆదరణ లభిస్తుండటం సంస్థకు సానుకూలంగా మారింది. గత సెప్టెంబర్తో ముగిసిన త్రైమాసికానికి అమ్మకాలు 83బిలియన్ డాలర్లు దాటాయి.
తాజాగా 3 ట్రిలియన్ డాలర్ల మార్కును యాపిల్ అందుకోగా..మరికొన్ని సంస్థలు కూడా త్వరలోనే ఆ మైలురాయికి చేరే అవకాశాలు కనపడుతున్నాయి. ప్రస్తుతం.. మైక్రోసాఫ్ట్ కంపెనీ విలువ 2.5 ట్రిలియన్ డాలర్లుగా ఉండగా.. గూగుల్ మాతృసంస్థ ఆల్ఫబెట్ విలువ 2 ట్రిలియన్ డాలర్లుగా ఉంది. ఈ-కామర్స్ దిగ్గజం ఆమెజాన్(1.7ట్రిలియన్ డాలర్లు), ఎలాన్ మస్క్కు చెందిన టెస్లా(1.2ట్రిలియన్ డాలర్లు).. ఈ రేసులో కాస్త వెనకంజలో ఉన్నాయి.