ప్రైమ్ యూజర్లకు, కొత్తగా ప్రైమ్ సేవల్ని పొందాలనుకుంటున్నవారికి అమెజాన్ షాకింగ్ న్యూస్. అమెజాన్ ప్రైమ్ సబ్స్క్రిప్షన్ ధరలను ఏకంగా 50 శాతం పెంచనున్నట్లు తెలుస్తోంది. ప్రైమ్ వార్షిక సబ్‌స్క్రిప్షన్తో పాటు నెలవారీ, మూడు నెలల కాలానికి చెల్లించాల్సిన మెంబర్షిప్ ధరల కూడా ఈ మేరకు పెరగనున్నట్లు సంస్థ ప్రతినిధి ఒకరు తెలిపారు.
ప్రస్తుతం ప్రైమ్ సబ్స్క్రిప్షన్ తీసుకోవాలంటే రూ.999 చెల్లిస్తే సరిపోతుంది. అయితే త్వరలో ఈ మెంబర్షిప్కు రూ.1,499 చెల్లించాల్సి ఉంటుంది. నెలవారీ, త్రైమాసిక ప్లాన్లకు కూడా ధరల పెంపు వర్తించనున్నట్లు సంస్థ ప్రతినిధి ఒకరు తెలిపారు.
దీంతో నెలవారి మెంబర్షిప్కు రూ.129 చెల్లించాల్సి ఉండగా.. త్వరలో రూ.179 కానుంది. అలాగే ప్రస్తుతం మూడు నెలల కాలానికి చెల్లించే రూ.329, రూ.459కి పెరగనుంది. అయితే ఈ ధరలు ఎప్పటి నుంచి పెరుగుతాయన్న స్పష్టత మాత్రం ఇవ్వలేదు.