పోటీని దృష్టిలో పెట్టుకుని వినియోగదారుల కోసం వాట్సాప్ మరిన్ని కొత్త ఫీచర్లను తీసుకొస్తోంది. అందులో భాగంగానే త్వరలోనే వీటిని ఐఓఎస్, ఆండ్రాయిస్ యూజర్లకు అందుబాటులోకి తేనుంది. వాట్సాప్లో అత్యంత ఆదరణ పొందిన ఫీచర్ వాయిస్ కాల్, వీడియో కాల్. మొబైల్ డేటా లేదా వైఫై ద్వారా ఇతరులకు కాల్ చేసే సౌకర్యం ఈ ఫీచర్ కల్పిస్తోంది.
అయితే కొత్త ఫీచర్లో ఈ కాలింగ్ ఇంటర్ఫేస్ను అధునాతనంగా, ఆకర్షణీయంగా తీర్చిదిద్దనుంది వాట్సాప్. ప్రత్యేకించి గ్రూప్ కాల్స్ సమయంలో ఇంటర్ఫేస్ ఇంకా బాగా కన్పించనుందని సమాచారం. బాటమ్లో ఉండే బటన్లు మాత్రం అలాగే ఉండనున్నట్లు తెలుస్తోంది. ఆండ్రాయిడ్, ఐఓఎస్ బీటా అప్డేట్లో ఈ కొత్త ఫీచర్ అందుబాటులోకి రానుంది.
మరో ఫీచర్లో వాట్సాప్ చాట్, కాలింగ్ ఎండ్-టు-ఎండ్ ఎన్క్రిప్టెడ్ అని తెలిసేలా యూజర్లకు కొత్త ఇండికేటర్లు కన్పించనున్నాయి. మొదట ఈ ఫీచర్ను ఆండ్రాయిడ్ ఐఓఎస్ బీటా యూజర్లకు, ఆ తర్వాత అందరికీ అందుబాటులోకి తేనున్నారు.
కొత్త కమ్యూనిటీ క్రియేట్ చేసే సదుపాయాన్ని కూడా వాట్సాప్ కల్పించనుంది. అడ్మిన్.. కమ్యూనిటీ ఇన్వైట్ లింక్ ద్వారా సభ్యులను ఆహ్వానించవచ్చు. ఆ తర్వాత ఇతర సభ్యులకు సందేశాలు పంపొచ్చు. ఈ కమ్యూనిటీల ద్వారా ఒక గ్రూప్లో మరో గ్రూప్ను కూడా క్రియేట్ చేసే సదుపాయం అడ్మిన్కు ఉంటుంది. సాధారణ గ్రూప్లకు, కమ్యూనిటీలకు తేడా స్పష్టంగా తెలిసేలా ఈ ఫీచర్ను డిజైన్ చేసింది.