ఉత్తర్ప్రదేశ్ గాజియాబాద్లో దారుణ ఘటన వెలుగు చూసింది. ఐదేళ్ల బాలికపై 13 ఏళ్ల బాలుడు అత్యాచారానికి పాల్పడ్డాడు. గాజియాబాద్లోని విజయ నగర్ ప్రాంతానికి చెందిన ఓ చిన్నారి(5) తన సోదరుడితో కలిసి ట్యూషన్ కోసం ఓ ఉపాధ్యాయుడి ఇంటికి వెళ్లింది. అయితే అక్కడ ఆ టీచర్ లేడు. ఆ తర్వాత ఏదో పని కోసం బాలికను అక్కడే ఉంచి ఆమె సోదరుడు తమ ఇంటికి వెళ్లాడు.
ఆ సమయంలో ట్యూషన్ టీచర్ కుమారుడు(13) సదరు బాలికపై అత్యాచారానికి పాల్పడ్డాడు. చిన్నారి.. ఏడుస్తూ ఇంటికి వచ్చి తన తల్లికి విషయం చెప్పింది. దీంతో ఆమె పోలీసులకు ఫిర్యాదు చేసింది. దీనిపై పోలీసులు కేసు నమోదు చేసుకున్నారు. బాలుడ్ని సంరక్షణ గృహానికి తరలించారు.
