హైదరాబాద్(Hyderabad) పంజాగుట్టలో కారు బీభత్సం సృష్టించింది. ఓ వ్యక్తి కారుతో పలువురిని ఢీ కొట్టి పరారయ్యేందుకు ప్రయత్నించాడు. అప్రమత్తమైన స్థానికులు అతని పట్టుకునేందుకు ప్రయత్నించారు. కారుని వెంబడించి అతనిని రోడ్డుపై నిలిపివేశారు. సదరు వ్యక్తిని కారు నుండి లాగి మరీ చితక్కొట్టారు. దేహశుద్ధి చేసిన అనంతరం పోలీసులకు అప్పగించారు. ఆ సమయంలో కారులో ఉన్న వ్యక్తి మద్యం సేవించి ఉన్నట్టు స్థానికులు వెల్లడించారు.
ఘటనకు సంబంధించిన వీడియో ప్రస్తుతం సోషల్ మీడియా లో వైరల్ గా మారింది. అతని ప్రవర్తన పై నెటిజన్లు ఆగ్రహం వ్యక్తం చేస్తున్నారు. డ్రింక్ చేసి డ్రైవ్ చేయడం ప్రమాదమని పోలీసులు హెచ్చరించినా అలాంటి వారిలో మార్పు రావడం లేదని మండిపడుతున్నారు. మందు తాగి డ్రైవ్ చేసే వారి వల్ల వారికే కాకుండా ఇతరులకు కూడా డేంజర్ క్రియేట్ చేస్తున్నారని ఆందోళన చెందుతున్నారు. దీనికి పంజాగుట్ట వ్యవహారమే ఉదాహరణ అంటున్నారు. అతనిపై కఠిన చర్యలు తీసుకోవాలని పోలీసులకు విజ్ఞప్తి చేస్తున్నారు.
పంజాగుట్ట లో ఓ వ్యక్తి మద్యం సేవించి కారు నడుపుతూ అడ్డొచ్చిన వారిని ఢీ కొడుతూ వెళ్ళిపోవడానికి ప్రయత్నించాడు. స్థానికులు వెంటనే అతడి కారుని ఆపి దేహశుద్ధి చేసి పోలసులకు అప్పగించారు. #Hyderabad #hyderabadtraffic #punjagutta #drunkanddrive pic.twitter.com/Fy5FN2SMGn
— vanaja morla (@MorlaVanaja) January 26, 2024
Read Also: ఈ ఫ్రూట్స్ తింటే పురుషుల్లో లైంగిక సామర్థ్యం బూస్ట్ అవుతుంది
