జమ్ముకశ్మీర్లోని కుల్గాం జిల్లాలోని రెండు ప్రాంతాల్లో ఎదురుకాల్పులు జరిగాయి. ఈ ఎన్కౌంటర్లలో నలుగురు ముష్కరులను మట్టుబెట్టాయి బలగాలు. జిల్లాలోని పొంబాయ్, గోపాల్పొరా ప్రాంతాల్లో ముష్కరులు ఉన్నారన్న సమాచారం మేరకు తనిఖీలు నిర్వహించగా..కాల్పులకు తెగబడ్డారని, అది ఎన్కౌంటర్కు దారితీసినట్లు అధికారులు తెలిపారు. ఇంకా సోదాలు కొనసాగుతున్నట్లు చెప్పారు.