తెలంగాణలో దారుణ హత్య కలకలం రేపింది. రంగారెడ్డి జిల్లా రాజేంద్రనగర్లోని ఇమాద్‌నగర్‌లో ఫర్వేజ్ సమ్రిన్ దంపతులు నివాసం ఉంటున్నారు. వీరికి ఇద్దరు కుమారులు, కుమార్తె ఉన్నారు. భర్త వేధింపులతో సమ్రిన్ విడాకులు తీసుకుంది. అయితే భార్యకు నచ్చజెప్పిన ఫర్వేజ్ గతేడాది ఆమెను మళ్లీ పెళ్లి చేసుకున్నాడు.
అప్పటినుంచి ఫర్వేజ్కు భార్యపై అనుమానం మొదలైంది. తరచూ గొడవలు జరిగేవి. ఈరోజు తెల్లవారుజామున 4 గంటలకు ఇంటికి వెళ్లిన అతను భార్య నిద్రిస్తున్న గదిలోకి వెళ్లాడు. నిద్రపోతున్న ఆమెపై కత్తితో దాడి చేశాడు. అప్పటికి కసితీరక సమ్రిన్ తలను శరీరం నుంచి వేరు చేశాడు. అనంతరం తలను తీసుకుని పోలీస్స్టేషన్కు వెళ్లాడు.