తెలంగాణాలో దారుణ ఘటన చోటు చేసుకుంది. పాపం పుణ్యం తెలియని బాబుని కొంతమంది గుర్తు తెలియని వ్యక్తులు కిడ్నాప్ చేసిన ఘటన సూర్యాపేట జిల్లా చివ్వెంల మండలం దురాజ్పల్లిలో చోటుచేసుకుంది. పూర్తి వివరాల్లోకి వెళ్ళితే..తల్లిదండ్రుల మధ్య నిద్రిస్తున్న4 నెలల ఇమ్మారెడ్డి శివ అనే బాబును కొందరు దుండగులు గుట్టు చప్పుడు కాకుండా ఎత్తుకుపోయారు.
తమ కుమారుడు కనిపించకపోయేసరికి తల్లిదండ్రులు ఆందోళనకు గురయ్యి చివ్వెంల పోలీస్ స్టేషన్లో ఫిర్యాదు చేసారు. దాంతో పోలీసులు కేసు నమోదు చేసుకొని అనుమానమున్న వ్యక్తులను దర్యాప్తు చేస్తున్నారు. దాంతోపాటు పోలీసులు బృందాలుగా ఏర్పడి దుండగుల కోసం గాలిస్తున్నారు.
