మూడు నెలల పసికందుతో సహా ఒకే కుటుంబానికి చెందిన ముగ్గురు వ్యక్తులు ఆత్మహత్య చేసుకున్నారు. ఈ విషాదకర ఘటన కర్ణాటక గడగ్ జిల్లాలో జరిగింది. వివరాల్లోకి వెళితే..
నాగేంద్రగడ గ్రామంలో మల్లప్ప(30), ఆయన భార్య సుధా గడాడ్(24)తో కలిసి నివసిస్తున్నాడు. వీరిరువురు రెండేళ్ల క్రితం వివాహం చేసుకున్నారు. వారికి మూడు నెలల పాప (రూపశ్రీ) కూడా ఉంది. వీరందరూ ఊరి చివర ఉన్న తమ ఫామ్ హౌస్లో ఉరి వేసుకుని మృతి చెందారు.
మల్లప్ప హాల్లో ఉరి వేసుకోగా..సుధ, కూతురు బెడ్రూమ్లో శవాలుగా కనిపించారు. కుటుంబ కలహాల వల్లే వారు ఈ అఘాయిత్యానికి పాల్పడి ఉండవచ్చని పోలీసులు అనుమానిస్తున్నారు. కేసు నమోదు చేసిన పోలీసులు దర్యాప్తు ప్రారంభించారు.