ఖరగ్పుర్ ఐఐటీ క్యాంపస్లో కరోనా కలకలం రేపింది. సుమారు 40 మంది విద్యార్థులకు. ఇరవై మంది క్యాంపస్లో నివసించే ఇతరులకు కరోనా సోకింది. అయితే డిసెంబర్ 18న ఐఐటీలో స్నాతకోత్సవం జరిగింది. విద్యార్థులను దశలవారీగా క్యాంపస్కు తీసుకురావాలని యాజమాన్యం అప్పుడు నిర్ణయించింది. తాజాగా.. వైరస్ వ్యాప్తి దృష్టిలో ఉంచుకొని ఆ నిర్ణయాన్ని వెనక్కి తీసుకుంటున్నట్లు రిజిస్ట్రార్ తమల్ నాథ్ తెలిపారు.
