ఈ మధ్య కాలంలో చిన్న పెద్ద అని తేడా లేకుండా అందరు జంక్ ఫుడ్ తినడానికి ఎక్కువగా మొగ్గుచూపుతున్నారు. మారుతున్న జీవనవిధానంతో రోడ్డుపై ఎక్కడ బేకరీ షాప్ కనపడిన జంక్ ఫుడ్ ఉరుకులు తీస్తారు. ఇలా జంక్ ఫుడ్ కు భానిసయ్యే అదే పనిగా తినేవాటిలో ఈ ఆరోగ్య సమస్యలు తప్పవంటున్నారు నిపుణులు. ఎందుకో మీరు కూడా ఓ లుక్కేయండి..
జంక్ ఫుడ్ లో శరీరానికి కావలసిన పోషకాలు ఉండకపోగా..కార్బోహైడ్రేట్లు, కొవ్వు పదార్థాల వంటి హానికర పదార్థాలు అధికంగా ఉంటాయి. దాని కారణంగా త్వరగా అలసటకు గురికావడం వంటి సమస్యలు వస్తాయి. ముఖ్యంగా సన్నగా కావాలనుకునే వారు జంక్ ఫుడ్ తింటే కొవ్వు పేరుకుపోయి అధికంగా లావు అయ్యే అవకాశం ఉంది.
జంక్ ఫుడ్ ఎక్కువగా తినడం వలన చూపు,వినికిడి సమస్యలు కూడా ఎదుర్కోవాల్సి వస్తుందని నిపుణులు చెబుతున్నారు. జంక్ ఫుడ్ కు అలవాటు పడిన వారిలో అనేక ఆరోగ్య సమస్యలు వస్తాయి. జంక్ ఫుడ్ అధిక మొత్తంలో ఉప్పు మరియు చక్కెరలను కలిగి ఉండడం వల్ల డయాబెటిస్ వ్యాధి భారిన పడే అవకాశం ఉంటుంది. అందుకే ఈ అలవాటు ఉన్నవారు ఎంత త్వరగా మానుకుంటే అంత మంచిది.