సాధారణంగా క్యారెట్స్ సంవత్సరమంతా అందుబాటులో ఉన్నా శీతాకాలంలో మాత్రం క్యారెట్స్ ఎంతో తాజాగా ఉంటాయి. క్యారెట్స్ ను సలాడ్స్, జ్యూస్, సూప్స్ మరియు పుడ్డింగ్స్ లో ఉపయోగించవచ్చు. క్యారెట్స్ లో విటమిన్ ఏ, సి, కె , ఫోలేట్, పొటాషియం, ఐరన్ వంటివి ఎన్నో పోషక విలువలు ఉంటాయి. ఇలాంటి పోషక విలువలు వల్ల ఆరోగ్యానికి ఎంతో మేలు కలుగుతుంది.
చర్మ సౌందర్యం:
క్యారెట్స్ లో ఉండే విటమిన్ సి, విటమిన్ ఇ వల్ల చర్మ ఆరోగ్యానికి, సౌందర్యానికి సహాయపడుతుంది. కాబట్టి మీ డైట్ లో భాగంగా క్యారెట్స్ ను తీసుకోండి. ఆరోగ్యకరమైన చర్మంను పొందండి.
కంటి సమస్యలు వుండవు:
క్యారెట్స్ లో బెటా కెరోటిన్ అనే పదార్థం ఉంటుంది. ఇది విటమిన్ ఏ లో ఒక రకం. కంటిచూపుకి ఇది చాలా అవసరం. కాబట్టి కంటిచూపు మెరుగుపరుచుకోవడానికి ప్రతిరోజూ క్యారెట్ ను ఏదో విధంగా తీసుకోవడం ఎంతో అవసరం.
రోగనిరోధక శక్తి
మీ రోజువారి ఆహారంలో క్యారెట్స్ ను తీసుకోవడం వల్ల రోగనిరోధక వ్యవస్ధ బలపడుతుంది. విటమిన్ ఎ మరియు విటమిన్ సి క్యారెట్స్ లో ఉంటాయి వీటితో పాటుగా యాంటీ ఆక్సిడెంట్స్ అధికంగా ఉంటాయి. దాంతో రోగనిరోధక శక్తి పెరుగుతుంది. ఇన్ఫెక్షన్ల నుండి కాపాడుతుంది.
ఒబేసిటీ సమస్య
చాలా తక్కువ క్యాలరీలు ఉండే ఆహార పదార్థాల్లో క్యారెట్లు కూడా ఒకటి. క్యారెట్స్ తినడం వల్ల మెటబాలిజం మెరుగుపడుతుంది. ఈ విధంగా ఆ బరువు తగ్గడానికి సాయం చేస్తుంది.