ఆరోగ్యంగా ఉండాలని ఎవరు మాత్రం కోరుకోరు. ఆరోగ్యంగా ఉండడం కోసం మనకు ఇష్టం లేని పదార్దాలను సైతం మన డైట్ లో చేర్చుకోవడానికి ప్రయత్నిస్తాము. అలాగే గోంగూర అంటే కూడా చాలామంది ఇష్టపడరు. కానీ ఒక్కసారి వాటివల్ల లాభాలు తెలిస్తే మళ్ళి జీవితంలో విడిచిపెట్టారు. అవేంటో మీరు కూడా తెలుసుకోవాలనుకుంటున్నారా?
ఆకు కూర‌లు మన శ‌రీరానికి ఎంతో మేలు చేస్తాయ‌ని మ‌నంద‌రికీ తెలుసు. అందులో ముఖ్యంగా గోంగూర ఆకు తినడం వల్ల కలిగే ఆరోగ్యప్రయోజనాలు ప్రత్యేకంగా చెప్పనవసరం లేదు. దీనిని కనీసం వారానికి ఒకసారి తీసుకోవడం వల్ల కంటి ఆరోగ్యాన్ని మెరుగుపరచడంతో పాటు..కంటి సంబంధిత సమస్యలను తొలగిస్తుంది.
శ‌రీరంలో రోగ నిరోధ‌క శ‌క్తిని పెంచ‌డంలో, జీర్ణ శ‌క్తిని పెంచ‌డంలో గోంగూర ఎంతో స‌హాయ‌ప‌డుతుంది. ర‌క్త హీన‌త స‌మ‌స్యతో బాధ‌ప‌డే వారు గోంగూర‌ను ఆహారంలో భాగంగా తీసుకోవడం వల్ల మంచి ఫ‌లితాల‌ను పొంద‌వ‌చ్చు. ఎముక‌ల‌ను దృఢంగా ఉంచ‌డంలో కూడా ఉపయోగపడుతుంది. కానీ అతిగా వేడి చేసే శ‌రీరత‌త్వం ఉన్నవారు దీనికి దూరంగా ఉండడమే మంచిది.
