మనలో చాలామంది బెల్లం తినడానికి ఎక్కువగా మొగ్గుచూపుతుంటారు. ఎందుకంటే రుచి తియ్యగా ఉండడం వల్ల చిన్న పెద్ద అని తేడా లేకుండా అందరు తింటుంటారు. కొంతమంది బెల్లాన్ని నేరుగా తింటే మరికొందరు బెల్లంతో వివిధ రకాల ఆహార పదార్దాలు చేసుకొని తింటుంటారు. బెల్లాన్ని ఎలా తిన్న అద్భుతమైన ఆరోగ్య ప్రయోజనాలు పొందవచ్చు. అవేంటో మీరు కూడా ఒక్కసారి చూడండి..
రోజు భోజనం చేసిన తరువాత బెల్లం తినడం వల్ల వివిధ ఆరోగ్య ప్రయోజనాలు పొందడంతో పాటు..సీజనల్ వ్యాధులు కూడా మన దరికి చేరకుండా కాపాడుతుంది. బెల్లం వల్ల జీర్ణక్రియ సాఫీగా సాగడంతో పాటు..జీర్ణసంబంధిత సమస్యలను కూడా తొలగిస్తుంది. బెల్లంలో ఐరన్ ఎక్కువగా ఉంటుంది. కావున ఎనీమియా రోగులు, మహిళలు తప్పకుండా తీసుకోవాలి.
వృద్ధాప్య ప్రక్రియను తగ్గించడంలో బెల్లం ప్రధాన పాత్ర పోషిస్తుంది. ఇది మన శరీరంలో ఉన్న రోగనిరోధక వ్యవస్థను మెరుగుపరచి, వ్యాధులకు వ్యతిరేకంగా పోరాడుతుంది. ప్రతిరోజు ఒక చెంచా బెల్లాన్ని మహిళలు తీసుకున్నట్లయితే ఋతు-సమస్యలను నివారించడానికి ఉపయోగపడతాయి. ముఖ్యంగా గర్భధారణ సమయంలో స్త్రీలు బెల్లాన్ని తీసుకోవడం ఎర్రరక్త కణాలు అధికంగా అభివృద్ధి చెందుతాయి.
