ఐకాన్స్టార్ అల్లుఅర్జున్ డైరెక్టర్ హరీశ్శంకర్ కాంబినేషన్ లో ఇప్పటికే డీజే సినిమా వచ్చిన సంగతి తెలిసిందే. అయితే ఈ సినిమా అనుకున్నంత స్థాయిలో మెప్పించలేకపోయింది. ఇప్పుడు మళ్లీ వీరి కాంబినేషన్ రిపీట్ కానుందనే వార్తలు చక్కర్లు కొడుతున్నాయి. తాజాగా నేడు హరీశ్ చేసిన ట్వీట్ ఈ వార్తలకు ఆజ్యం పోసినట్టు అయింది.
ఇంతకీ హరీష్ శంకర్ ఏమని ట్వీట్ చేసారంటే..”మనం కలిసినప్పుడల్లా ఎంతో సరదాగా ఉంటుంది. నీతో కలిసి సమయాన్ని గడపటం గొప్పగా ఉంది. లవ్ యు. తగ్గేదే లే.. ఎందుకు తగ్గాలి?” అని ట్వీట్ చేశారు. దీంతో సినిమా చేయడమే కోసమే బన్నీ-హరీశ్ కలిశారని అభిమానులు ఆశిస్తున్నారు. హరీశ్ స్క్పిప్ట్ సిద్ధం చేస్తున్నాడని సమాచారం. త్వరలోనే దీనిపై స్పష్టత రానుంది. వీరిద్దరు కలిసి దిగిన ఓ ఫొటోను పోస్ట్ చేశారు డైరెక్టర్ హరీశ్శంకర్.
మరోవైపు డీజే సినిమాను రీమేక్ చేయాలని బాలీవుడ్లో సన్నాహాలు జరుగుతున్నట్లు తెలిసింది. ఈ చిత్రానికి కూడా హరీశ్ దర్శకత్వం వహిస్తారని తెలిసింది. ప్రస్తుతం అల్లు అర్జున్ పుష్ప 2 తో బిజీగా ఉన్నాడు. ఈ సినిమాలో బన్ని సరసన రష్మిక నటిస్తుండగా..దాక్షాయణి పాత్రలో అనసూయ రోల్ కీలకంగా మారింది.